Simba says Roar.

الاثنين، أغسطس 31، 2009



صدق او لا تصدق





صدق او لا تصدق


الحمد لله ربنا كرمنى واتجوزت

اه وربنا اتجوزت الحمد لله

اتجوزت اميرتى وحبيبتى وروح قلبى

ربنا يبارك لى فيها يارب

كل حاجه حصلت بسرعه اوى

لدرحة انى مش رضيت اكتب او انزل الخبر الا لما اتاكد انى فعلا مش بحلم وان اللى انا فيه ده واقع ملموس انا عايشه وحاسس بيه
" هذا من فضل ربى "
الحمد لله ربنا اكرمنا وفتح علينا واتجوزنا فى مكه وقضينا شهر العسل ( اسبوع العسل ) فى اطهر مكان ......حاسس انى بحلم والله
بس الحمد لله فعلا كل ده حصل
انا بتاسف لكل صحابنا وحبايبنا اللى معرفوش بالخبر الجميل ده او عرفوا بس متاخر لان فعلا انا نفسى اتفاجئت بس الحمد لله كله كان ترتيب ربنا والحمد لله وعقبال عندكم جميعا
الفرح كان فى تاريخ يوم لن انساه
17/8/2009
شعبان 25/ 1430هـ

وكل سنه وانتم طيبين بمناسبة شهر رمضان الكريم

بسم الله الرحمن الرحيم

وَلَوْلا فَضْلُ اللَّهِ عَلَيْكَ وَرَحْمَتُهُ لَهَمَّتْ طَائِفَةٌ مِنْهُمْ أَنْ يُضِلُّوكَ وَمَا يُضِلُّونَ إِلَّا أَنفُسَهُمْ وَمَا يَضُرُّونَكَ مِنْ شَيْءٍ وَأَنزَلَ اللَّهُ عَلَيْكَ الْكِتَابَ وَالْحِكْمَةَ وَعَلَّمَكَ مَا لَمْ تَكُنْ تَعْلَمُ وَكَانَ فَضْلُ اللَّهِ عَلَيْكَ عَظِيمًا

صدق الله العظيم
[النساء:113]


بسم الله الرحمن الرحيم

{وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ }

صدق الله العظيم
إبراهيم7

الحمد لله


من انا blogged at 1:55 ص

May your light shine...
in the darkness...

الأحد، مارس 16، 2008



يا دبلة الخطوبه عقبالنا كلنا


يا دبلة الخطوبه عقبالنا كلنا

اخيرررررررررررررررررررررررررا تم بحمد لله تعالى
تحديد موعد خطوبتى باميرتى الجميله
انا مش مصدق نفسى حاسس انى بحلم ... انى طاااااااااير فى السما
معقوله كلها كام يوم ونلبس الدبل
يارب وفقنا يارب واسعدنا دايما وخلى حياتنا كلها افراح وسعاده
عقبالكم جميعا يارب
اه كنت هنسى


الخطوبه هتكون ان شاء الله تعالى يوم
الجمعه الموافق 28/3/2008
تاريخ اجمل واسعد يوم فى حياتى كلها



من انا blogged at 7:28 م

May your light shine...
in the darkness...

الأربعاء، أكتوبر 17، 2007



الحب أعمى و أهبل و عبيط و بيعمل دماغ كمان


الحب شىء جميل جدا فى بدايته أحاسيس جميلة و سعادة و تألق لأقصى حد فى كل شىء .. الخطوة الثانية إضطرابات فى النوم و عدم رغبة فى الأكل و تسارع فى ضربات القلب تصاحبها آلام فى المعدة .. و مع تطور الحالة يبدأ الحب فى مهاجمة مخك و تدريجيا تلاحظ حالة تشتت و بله ملحوظ تبدأ فى التخييم على مخك و تتجسد فى كل تصرفاتك .. مش عارف تركز و لا حتى تفكر فى أى شىء خاصة عندما تقابل حبيبك .. تقول كلمتين .. بعدها يطير كل الكلام .. تحاول التذكر.. مخك رايح جاى .. كلمة ثم صمت ثم لعثمة يعقبها شرود ثم إنصراف!
إيه إللى أنا باقوله ده ! حاسس إنك عبيط و أكيد حبيبك قال عليك معتوه .. لكن إطمن .. دى حالة شائعة جدا فى الحب و ناس كتير عانت من نفس المشكلة و شعرت بنفس الهبل تقوللى ما انا عارف بس المشكلة فى حبيبى و الفكرة إللى أخدها عنى .. أقولك إهديله أغنية لما بتكون بعيد باحضر كلام أقوله و أما بتكون قريب بتنسينى اليوم بطوله و لا باعرف أتكلم و يا دوب كبيرى أسلم .. يا عمرى و الله لما أشوفك بانسى الدنيا دى ، بانسى الكلام إللى أنا قايله حتى الغرام إللى أنا شايله.. ليتأكد إنك طبيعى و كل دى مجرد أعراض جانبية للحب عند كل الناس .. لكن هل تعرف سبب التشتت و النسيان و عدم القدرة على التفكير ، و الهبل الذى تشعر به فى حالة الوقوع فى الحب؟!

بيقولك إكتشفوا إن الحب يؤثر على نشاط المخ و يقلل القدرة على التفكير بشكل عام ده غير المناطق التى يصيبها الشلل التام و هى المناطق المسئولة عن الإنتقاد و التقييمات السلبية حيث تتوقف عن العمل تماما .. و لهذا قالوا زمان إن الحب أعمى لأننا عندما نحب نرى من نحب أعظم حد فى الدنيا و خاليين من العيوب..

ده غير تأثيره على المناطق المسئولة عن الذاكرة و التركيز .. عشان كده لما أبويا يقول فنجان قهوة بأعمله شاى و فى الآخر باديه لأمى .. و أراهنكوا إن شادية فضلت تصب فى الشاى لحد ما إتدلق من الفنجان على الصينية على الأرض .. و بيقولك كمان إن الحب له نفس تأثير تعاطى المخدرات على المخ بعد تصوير المخ بالرنين المغناطيسى حيث لوحظ أن الحب يؤثر عليها مثل تعاطى المخدرات يعنى لو لاحظت حد مسطول مش ضرورى يكون ضارب ممكن يكون واخد جرعة حب زيادة..
و أحسنلك بكتير إنك تضرب حب بدل ما تضرب مخدرات على الأقل الحب أوفر و ألذ و له نفس التأثير و جايز أكثر كمان..

لكن الكارثة إن الأمن يدرج الحب ضمن قائمة الممنوعات و الحب ما يتعرفش غير بروشته من الطبيب.
و لما تقابل حبيبك بدل ما تقول له الحب الحب .. الشوق الشوق تقول له إنت أحلى جوينت فى حياتى و لما بشوفك الطاسة بتتعمر كأنى ضربت خلطة منوعات.
كل هذه التأثيرات أثبتتها عدد كبير من الدراسات التى أجريت فى بريطانيا و أمريكا.
الخطر الحقيقى إن الحالة تقلب على جنان خاصة عند الناس إللى عايشة الدور صح و عندها ضمير فى الحب و وصلت لدرجة عدم القدرة على التفكير و لنا فى قيس مجنون ليلى خير عبره ، الحب فضل يمسح فى دماغه .. يمسح فى دماغه لحد ما خلاها أبيض يا ورد..
فى النهاية قدامك طريقين .. الأول إنك تنفض الحب خالص و تحافظ على مخك و صحتك على أساس إنهم أنفعلك .. الطريق الثانى إنك تحب بجد و تضحى بعقلك فى سبيل إستمتاعك بالحب. بقلم دعاء عادل
نقلا عن جريدة الدستور
بتاريخ 23/11/2005


من انا blogged at 3:13 ص

May your light shine...
in the darkness...

الخميس، سبتمبر 13، 2007



من انا blogged at 10:28 ص

May your light shine...
in the darkness...

الأحد، سبتمبر 09، 2007



عيد ميلادى

النهارده عيد ميلادى
9/9/ 1986 برج العذراء
اجمل احساس فى الكون انك تكون مستنى حد يقولك كلمه جميله طيبه فى عيد ميلادك
ويا سلام لو فى حد افتكرك بهديه
ويا سلام بقى لو الحد ده كان مش اى حد .... كان اعز واغلى واجمل مخلوق فى الكون
اميرتى الجميله

هديتها كانت رقيقه وبسيطه وجميله اوى
كانت المصحف الشريف وجنبيه ورده ومعاهم ورقتين مكتوب فيهم
احلى كلام

كل سنه ودنيتنا طيبه
واحلامنا قريبه
والحب مجمع شملنا
والدنيا شايفه حبنا
يملى قلوبنا بالدفا
ويوعدنا دايما بالوفا
لقلوبنا الصافيه الطيبه
كل سنه ودنيتنا طيبه
واحلامنا منا قريبه

يارب
اللهم اجعله اماما وهاديا لنا
اجمعنا فى الدنيا على طاعتك
وفى الاخره فى جنتك
اللهم ارض عنا...
الف بين قلوبنا...
وجمع شملنا...
أدم حبنا...
وحد جهودنا
فرج كربنا
اجعلنا من حملة القرآن
وملبى الآذان..
ارحمنا فى الدنيا والاخره
اشملنا برحمتك وعظيم كرمك
اهدنا لطريق الاسلام
اللهم اجعل لنا من كل ضيق مخرجا
واجعل لنا من الصبر نصرا
الطف بينا فيما جرت به المقادير
انك يا مولانا على ما تشاء قدير
فرج الكروب واستر العيوب ، واغفر الذنوب ، يا علام الغيوب
اللهم افرغ علينا صبرا
اللهم افرغ علينا صبرا

كل سنه ودنيتنا طيبه


من انا blogged at 12:44 ص

May your light shine...
in the darkness...

الثلاثاء، سبتمبر 04، 2007



لكم اشتاق اليكى....يا امى

امى الحبيبه الغاليه
كم اشتاق اليكى
كم اشتاق الى ان ارتمى فى حضنك الدافىء الحنون لانسى هموم الدنيا
امى ان الحياة بدونك قاسيه ...قاسيه ...مريرة المذاق
ما زلت اتذكر ايام صباياعندما كنتى ارتمى فى حضنك الدافىء لتنصحينى وتحذرينى من غدر الزمان وان ان اكد واجتهد حتى اصبح ذا شأن
امى الغاليه هاانا اكملت تعليمى وبدرجة عاليه ومازالت ساكمل المشوار
ولكنى افتقدك بشده فكم كنت اتمنى ان ارتمى فى حضنك الدافىء عندكا حصلت على شهادة الليسانس كم تمنيت ان ازف اليكى خبر فرحتى بانى نجحت وكم كنت اتمنى انا ارى فى عينيكى تلك النظره التى تشع بالامل والثقه فى ان ابنك فلذة كبده سيرفع من شانك ومن شان اسرتنا الجميله
كم كنت اتمنى ان اسمع صوتك الدافىء الحنون وهو يصرخ صرخه الفرح وتنساب دموع الفرح من عيانكى الرقيقتين
اه يا امى لو تعلمى كم اثر فينا فراقك آآآآآآآآآآه
لكن ما من قال انك قد رحلتى عنا فانتى تعيشى بداخلى فبذرتك الطيبه الطيبه التى زرعتيها فى قلبنا قد اصبحت شجره طيبه تثمر ثمرة طيبة الكذا
نعم مازلت باقية بيننا فها هى سجادتك وهاهو مصحفك الشريف
يااااااااه يا امى دائما ما كنت انظر اليكى وانتى تصلين واسال نفسى كثيرا لمذا تصلين كل هذه الصلاه على الرغم من انك تؤدين الفروض فى وقتها ولكن كنتى تصلى وتصلى وتصلى
يالله مازالت تسبيحاتك تهمس فى اذنى الى هذا اليوم وستظل هكذا حتى التقى بك باذن الله فى جنة الفردوس

امى الحبيبة لقد اخترت اليوم بالذات لارسل لك هذه الرساله لانه يوم مولدك الموافق 4/9
ولان يوم ميلادى لم يبقى عليه سوى بعض الايام القليله 9/9
فانا ما زالت اتذكر منظر غروب الشمس فى ذلك اليوم اليومالذى غبتى فيه عنا وكيف انى كنت اتوسل وارجو الشمس بالا تغيب ولكن لكل شمس لها ان تغيب
فهى سنه الحياه
رحمك الله واسكنك فسيح جناته

والكلمات الجميله دى اهداء الى كل ام

ست الحبايب

ست الحبايب ياحبيبه يااغلى من روحي ودمي

ياحنينة وكلك طيبة يارب يخليكي يا أمي

زمان سهرتي وتعبتي وشلتي من عمري ليالي

ولسه برضه دلوقتي بتحملي الهم بدالي

انام وتسهري وتباتي تفكري

وتصحي من الآدان وتيجي تشقري

تعيشي لي ياحبيبتي يا أمي ويدوم لي رضاكي

أنا روحي من روحك انت وعايشه من سر دعاكي

بتحسي بفرحتي قبل الهنا بسنة

وتحسي بشكوتي من قبل ماأحس أنا

يارب يخليكي ياأمي يارب يخليكي ياأمي

لو عشت طول عمري أوفي جمايلك الغاليه علي

أجيب منين عمر يكفي وألاقي فين أغلى هدية

نور عيني ومهجتي وحياتي ودنيتي

لو ترضي تقبليهم دول هما هديتي

يارب يخليكي ياأمي ست الحبايب ياحبيبة



من انا blogged at 12:04 م

May your light shine...
in the darkness...

الأحد، أغسطس 12، 2007



فى عينيكى عنوانى

فى عينيكى عنوانى

حبيبتى أهدى اليكى كلمات قصيدة فاروق جويدهلتكون دليلا على انه رغم المسافات البعيده والبحار الواسعه التى تحول بيننا الا اننى ساعبرها مهتديا بحبك الذى ينير طريق قلبى فيدفعنى دائما الى الاستمرارفى محاربة الفراق والوصول اليكى فنيران الاشواق تحرقنى

قالت: سوف تنساني

وتنسى أنني يوما وهبتك نبض وجداني

وتعشق موجة أخرى وتهجر دفء شطآني


وتجلس مثلما كنا

لتسمع بعض ألحاني ولا تعنيك أحزاني

ويسقط كالمنى اسمي وسوف يتوه عنواني


ترى.. ستقول يا عمري بأنك كنت تهواني؟!

فقلت: هواك إيماني ومغفرتي.. وعصياني

أتيتك والمنى عندي بقايا بين أحضاني

ربيع مات طائره على أنقاض بستان

رياح الحزن تعصرني وتسخر بين وجداني


أحبك واحة هدأت عليها كل أحزاني

أحبك نسمة تروي لصمت الناس.. ألحاني

أحبك نشوة تسري وتشعل نار بركاني

أحبك أنت يا أملا كضوء الصبح يلقاني

أمات الحب عشاقا وحبك أنت أحياني

ولو خيرت في وطن لقلت هواك أوطاني

ولو أنساك يا عمري حنايا القلب.. تنساني

إذا ما ضعت في درب ففي عينيك.. عنواني





من انا blogged at 10:04 ص




احلام عمرنا


أحلام عمرنا
تلك الصورة التي تم التقاطها لي على كورنيش المنيا تعنى لي الكثير فإلى جانب أن الذي قام بتصويرها هو اعز واغلي صاحب ليا في رحلة الغربة صديقي حاتم ( العاشق المجهول ) فهي تعنى لي أن أحلامنا على الرغم من أنها تبدو أمامنا قريبه جدا نكاد نلمسها بأيدينا إلا أنها في واقع الأمر بعيده جدا فهي تحتاج إلى رحلة كفاح وكد وعمل حتى نحققها ونصل إليها كالشمس في تلك الصورة تجعل من ينظر إليها يظن أن الشمس في يدي وإنها سهلة المنال ولكن في الواقع هي بعيده كل البعد أي أن الشمس هنا تمثل أحلام عمرنا .


من انا blogged at 3:54 ص

May your light shine...
in the darkness...

الجمعة، أغسطس 10، 2007



من أنا........؟


من أنا........؟
سالت نفسى من أكون من أنا وسط البشر
أعيش حياتى فى جنون فى حزن وفى ضجر
كلما اقتربت مما أريد يبعدعنى ويتركنى وحيد
أعانى من الدنيا بمفردى وفى غربتى لست سعيد
حتى من أحبها وتحبنى فاقترابى منها أصبح بعيد
أخاف من الدنيا أن تفرقنا فهى دائما لا تعطينى ما أريد
وتركت كل حياتى السابقة وأنتظرت صبح غد جديد
ولكن الشمس لم تشرق ولم يأت النهار بشئ مفيد
وكأن الدنيا قد نظرت اليا وقالت هذاالانسان بالتحديد
لا اريده ان يفرح يوما او يدخل بيته وهو سعيد
ولكننى لن أيأس أبدا ولن اطيع الدنيا مثل العبيد
سوف أصارعها وأتحداها الى أن يوفقنى الله لما أريد

تلك الكلمات الجميله كتبها صديقى الصدوق زميلى فى رحلة الغربه وايام الدراسه

(((((((العاشق المجهول ))))))))


من انا blogged at 7:28 م

May your light shine...
in the darkness...

الأحد، يوليو 22، 2007



بنلف فى دواير


ليه دايما الواحد مننا يحس انه بيلف فى دايره مغلقه
يعنى يبتدى من الصفر ويشتغل ويتعب ويتعلم ويدرس وغيره
ويجرى مره ويمشى مره
ويهرب مره ويسافر مره
ومفيش فايده ياما بيحس انه رجع تانى لنفس النقطه يا اما مش بيلاقى نفسه اساسا
انا ساعات بحس ان كل واحد مننا جوا دايره بيحاول دايما انه يخرج منها وبيحارب علشان يخرج منها بس مش بيبقى قادر
يا اما الدايره اسوارها بتبقى عاليه عليه وبيحاول انه يتخطاها يا اما انه الناس هى اللى دايما تزوقه لجوه الدايره
علشان يلف ويلف ويلف ويقعد يلف

ساعات بقول ان الظروف والمجتمع والزمن هم اللى بيفرضوا على الانسان وضع معين
لكن ساعات بحس ان ده مش صحيح بالمره
لان اللى بيعمل الظروف دى هو الانسان نفسه
واللى بيكون المجتمع ده هو الانسان برضه
امال يبقى المشكله فى الزمن

مظنش ان المشكله فى الزمن لان لو الكلام ده بصحيح مكنش حد هيحس بالاحساس ده غير الشباب بس
لكن انا اليومين دول بحس ان الناس كلها او معظمها من مختلف الاعمار بيحسوا بالاحساس ده
انهم بيلفوا فى دواير
نفسى اعرف المشكله فيا ولا فين
انا شايف ان التفكير الصحيح او التخطيط التمام
ان الانسان لما يفكر لقدام لازم يحط لنفسه خطه يمشى عليها
الخطه دى لازم انها تتحمل النجاح والفشل
يعنى انا لما بفكر فى اى مشروع مثلا اول حاجه بفكر فيها
هى انى اعمل دراسة جدوى عن المكسب واكيد الخساره
المشكله بقى هى انك تعمل المشروع وينجح ويزيد ويكبر وينمى نفسه
وتلاقى نفسك فى الاخر رجعت لنفس المكان اللى بدات منه
الكلام ده مش فى الماديات بس
دى فى كل حاجه فى حياتنا

صدقونى انا حاسس اننا فى دايره معلقه بنلف فيها حوالين روحنا ومش بيقدر يخرج من الدايره دى غير اللى بينط لبراها
المشكله ان علشان الواحد يخرج من الدايره دى لازم يقدم تنازلات كتير فى زمنا ده
جايز يكون كلامى غامض حبتين او مش مفهوم
بس هو ده الواقع اللى عايشينه
احنا بقينا فى زمن الماده فيه بقت مهمه اكتر من المياه والهوا
ومش عارف هنفضل كده لحد امتى
هتفتكروا انى ببص لنص الكوبايه الفاضى
بالعكس
انا اللى مخلينى عايش لسه لحد دلوقتى
هو انى متفائل ودايما عندى امل فى ربنا والحمد لله
بس فى حاجات كتييييييره اوى بتشغلنى ونفسى الاقى لها حل
انا مؤمن ان الزمن والمجتمع والظروف دى كلها حاجات من صنع الانسان ولانها من صنعه اكيد بالتالى بعون الله انه يقدر يشكلهاويطوعها على حسب احتياجاته وطموحاته
اما عن موضوع الهروب فانا مش بهرب ولا حاجه بالعكس انا بجرى على الحلم وبحارب لحد اما اوصل للهدف اللى انا بحلم بيه علشان احول الحلم ده لواقع اعيشه
المشكله هى بعد تحقيق الهدف
هاوصلك الفكره
هاعتبر نفسى انى بجرى ورا هدف معين اجرى واجرى واجرى وانا شايفه بعيد قدامى
لكن بجرى
وساعات بقع
بساعد نفسى واتماسك واقوم اكمل
واكمل جرى
وسعات ااقع وناس تساعدنى واقوم من تانى

المهم انى بكمل مشوارى مهما كان طويل
كل ده من غير ما ابص ورايا او ارجع للوراء ابدا
واخيرا وبعد اوصل للهدف واحس بطعم النجاح واعيشه
ارجع احس انى لسه فى نفس مكانى وام كل التعب والحيره والجرى والمثابرة والمجهود ده كله ولا كانه كان من الاساس
عارفين احنا الشباب مشكلتنا ايه ؟؟
اننا مش عارفين احنا عايزين ايه
وحتى لو عارفين
هنبقى مش عارفين نبدا منين
ولو عارفين
هنبقى مش عندنا الشجاعه لاننا نبدا
ولو عندنا الشجاعه
هيبقى مش عندنا الامكانيات
فهننحت فى الصخر علشان نغير الوضع ويبقى فى امكانيات
ولو وفرنا الامكانيات لنفسنا
هنكون وصلنا لمرحلة الاجهاد من النحت فى الصخر
فنرتاح ونحس بطعم الراحه
اللى هتتقلب لكسل
ومن كسل لخمول
ومن خمول
للامبالاه
ومن لا مبالاه
لااحباط وانهزام وانكسار
ومن هنا يا اما يبدا الانحراف للحضيض
او الالتزام الشديد
لو انحرفنا يبقى خلاص كده ضاع الشباب بعيد الشر طبعا عننا وعن السامعين
اما لو التزمنا اوى
هنعترف بغلطنا ونبدا نفكر فى المستقبل ونرسم خطط ونبدا من تانى نحفر فى الصخر وهكذا
يبقى احنا بنلف فى دواير ولا لاء
انا على فكره جربت اغير من اهدافى ومن طموحاتى والاقى نفسى فى اكتر من مجال
لكن فى النهايه بدخل نفس الدوامه تانى
اللى بحارب معاها علشان مش تسحبنى معاها لتحت
انا اسف انى طولت عليكم
واسف علشان باشغلكم بهمومى بس بجد كنت محتاج افضفض

اكتر كلمات حبيتها اوى وحسيت بكل حرف فيهاهى للشاعر عبد الرحمن الابنودى هى كلمات " بنلف فى دواير"

بنلف في دواير والدنيا تلف بينا
ودايما ننتهي في مطرح ما ابتدينا
طيور الفجر تايهه في عتمه المدينه
وندور

ما بنكتبش الرسايل ما بننتظرش رد
لحد في يوم سمعنا ولا بنسمع حد
طيور العمر تايهه في عتمه المدينه
وندور

تايهين في عالم يعشق الخطر
فيه الطيور تهرب من الشجر
وتهرب النجوم من القمر
وتهرب الوجوه من الصور
بنلف في دواير ندور علي الامان
ونلاقينا رجعنا تاني لنفس المكان
ندور ندور

نحلم ونحلم بالحياه المفرحه
واتاري احلامنا بلا اجنحه بلااجنحه
ندور ندور ندور بجناح هزيل مكسور
ساعات نشوف في العتمه
ساعات نتوه في النور
ساعات عيوننا في الاسي تفرح
وساعات في ساعه الفرح منوحه



من انا blogged at 4:30 ص

May your light shine...
in the darkness...

الأربعاء، يوليو 18، 2007



ايام الغربه


أيام الغربه
إلى أصدقائي و إخوتي الأعزاء لقد انتهت الرحله ... ووصل كل منا إلى داره حيث الهدوء والسكينة والراحة من تعب ومشقة أيام الغربه ... كل منا يحمل حقيبة بها القليل من الذكريات فى قصاصات من الورق وبعض الصور التى تشدو بأحلى وأجمل الذكريات ولكنها ذكريات ...ذكريات فقط نحميها برمش أعيننا ونحفظها فى حنايا القلب .
يا لها من رحلة طويلة .... فهى قاربت الأربع سنوات تذوقنا أيامها بحلوها ومرها فأصبح حلوها يسعدنا ، ومرها يصبرنا على الحياة.
أصدقائي الأعزاء أنى اكتب تلك الكلمات و قلبي يخفق بشده ليدور شريط من الذكريات يحكى لي كل ساعة قضيناها معاَ فى أيام الغربه ، ومازلت أتذكر ذلك اليوم الذى كنت الصق فيه طابع التنسيق الخاص بكلية الآداب و أتذكر كيف كنت أضع اختيار كلية الآداب جامعة المنيا بلا اكتراث او اهتمام فمن كان يعلم أن الرغبه رقم 14 من الرغبات ال 48 هى التى ستأتي حيث تشاء الأقدار أن تكون عروس الصعيد هى أهم مرحله فى حياتي .
المنيا عروس الصعيد تلك البلد الجميلة ذات الطبيعة المسكينة فعلى الرغم من أنها بلد بكر صبوح إلا إنها بلد لم تنال حظها من الاهتمام .........ما زال شريط الذكريات يدور وهاأنا ذا أودع أهلي واحتضن أمي وهى تبكى لفراقي لها لأول مره فى حياتي وحياتها والى ألان مازالت أثار دموعها على خدي تذكرني بأول لحظة فراق أعيشها فى حياتي .
منذ أن لمست قدمي ارض المنيا وبدأت الأحداث تتوالى وكأن مخرج ما يقوم بترتيب وتوزيع الأدوار ليخرج لنا فى نهاية الرواية صورة درامية غاية فى التأثير .... أخذت أهيم فى شوارع وطرق عروس الصعيد دون هدف واضح فانا ألان اعبر إلى عالم جديد اجهل ماهيته .... أخذت أتحسس ملامح هذا العالم من شوارع وأهل تلك المدينة الهادئة حتى جذبتني عروس الصعيد إلى الكورنيش – كورنيش النيل - ........ و لن أنسى مهما طال بي العمر روعة وجمال ذلك المنظر الخلاب - سبحان الخالق – تنسيق وتناغم أكثر من رائع بين الأشجار بخضرتها والنيل بمراكبه وجزره الخلابة والجبال بصمودها وعزتها والسماء بسحبها و طيورها المغرد ه .


من انا blogged at 9:50 ص

May your light shine...
in the darkness...

الأحد، يوليو 15، 2007



الـصــمـــت




لقد تجمدت المشاعر وتحجرت القلوب وذبلت الورود واصبح الجفاء هدفنا الذى نسعى اليه ، حتى ان اقلامنا اصبحت تأبى الكلام ... توقف شلال المشاعر فجف نهر حبنا واصبحنا نسير فى ممر طويل مظلم حالك الظلام كل منا يتحسس طريقه الى الاخر لان نهتدى سوى بوقود الامل الذى يدفعنا الى المجهول حيث لا نعلم الى اين ولا نعلم حتى كيف دخلنا الى هذا الممر المظلم ؟؟!!
لقد كنا نعيش معا فى عالم صنعناه من مخيلتنا ... كنا نمرح ونفرح ونلعب ونصنع من الورود اجنحة نطير بها لنعانق السماء الصافيه فنداعب الفراشات ونلهو مع العصافير لتشدو ارق الاغانى التى تطرب اذاننا .
لقد كان الحب طاقة من نور تدفعنا دائما الى الامام ...الى الغد المشرق حيث الامل والطموح ... ولكن فاجاة يسود صمت رهيب ويبدأ عالمنا الخيالى فى التلاشى ليظهر الواقع بوجهه القبيح وكأبته المعهوده ويدور كل منا فى دوامة من روتين الحياة اليوميه الممله .... قلبينا ينادى احدهما على الاخر ولكن لا احد يبالى فليس هناك وقت للحب فالواقع وحش مرير يسلب منا مشاعرنا والحياة ما هى الا مجموعة من الضغوط التى تدفع الانسان الى التخلى عن العديد من المبادىء حتى الحب اصبح فريسة يسعى الزمان للنيل منها مراراَ وتكراراَ.

اليوم لن اناديكى بأميرتى فقصرنا الذى شيدناه على قواعد حبنا اصبح مهجوراَ وبدأت جدرانه فى الانهيار فلقد ثقل عليها الحمل ومملكتنا اخذه فى التهاوى وهاهى رؤوس اعدائنا تطل من خلف النوافذ وتعكس اشباحها .... مليكتى تعالى نلملم أشلائنا التى بعثرها الزمان تعالى حبيبتى .... تكلمى .... لاتصمتى ... تكلمى اصرخى ابكى اضحكى ولكن لا تظلى هكذا ساكنة فانا اخاف الصمت بسكونه المرعب المخيف ، كم امقته !!! ، حبيبتى تكلمى حركى شفتاكى الرقيقه ابتسمى حتى تعيدى لى بريق عينى ، دعى لسانك الفصيح يعبر عن سيل الكلمات المتدفق من عيناكى ...عيناكى ...
يا الهى ما عدت استطيع ان ابحر فى بحار عيناكى .
ماذا حدث لنا ؟؟؟؟!!!


دعينا نحطم هذا الجليد ... اعطينى يديكى وتعالى لنواجه الزمان الذى يطل لنا من بين حطام مملكتنا ويرمقنا بنظرة سخرية وانتصار زائف ، تعالى لنواجه الزمان معاَ كما كنا من قبل تعالى لنقيم مملكتنا من جديد فما زال فارسك المغوار يرغب فى استرداد عرشك ويقيم لك قصراَ باسوار من الاخلاص والشفافيه والثقه لتحمينا من غدر اعدائنا .
حبيبتى هاانا ذا امد لكى يدى لنعبر معاَ الى عالم جديد ، تعالى لنخرج من هذا النفق المظلم و نزلزل الصمت بصوت ضحكاتنا واغانينا الرومانسيه وتعالى نمحو من معاجمنا كل مصطلح يرمز للفراق والهجر .
وردتى الغاليه ان حبك ما زال نبض قلبى وصوتك ما زال صداه بتردد بين جنبات صدرى وهمساتك الى الان تداعب اذانى او تعلمين انك اصبحتى نفسى وروحى وعقلى وجسدى وكل حياتى ، فانا عندما انظر الى المرآه اراكى امامى .....حبيبتى ... انى اصبحت ارى العالم من خلالك لوحة فنبه رائعة التصوير ، تلك اللوحه بأدت ملامحها فى الزوال فذبلت الورود وهربت الفراشات واختفت العصافير وتوارت الاشجار خلف الصخور وما عدا سوى الصمت ............الصمت الرهيب.... والصخور الجامده .... والجليد المنتشر فى ارجاءالمكان .


من انا blogged at 1:56 م

May your light shine...
in the darkness...

السبت، مايو 26، 2007



رباعيات جاهين


رباعيات جاهين

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبى
ده بقا لما هتبدأ بيه هايبقى جميل جدا بيتكلم عن الموضوع عجبتنى كلمة من كلام الورق وانا اخترته مخصوص ليكــ

***

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبى
وده بقا لذيذ جدا بيدل على الصبر والانتظار وبيناسب افكارك جدا والاجمل بقا انه بيقول لو كنت اعرف مين أنا اسم مدونتك شفت بقا اى خدعه

***


ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبى
وده بقا بيعبر عن حالتكــ النفسيه وتلاقيك بتقول كده لاميرتك الجميله شفت فهماك هههههههه

***


أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبى
بقا معبر جدا بيتكلم عن حالنا وعن الاشخاص الى ممكن تكون قابلتهم والى لسه هتقابلهم وفى النهايه بيختصر الموضوع بإن كلهم فيهم حزن ودى حقيقه اليومين دول

***


في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبى
وانت بقا شاعر صح , وكل اصحابك الى بيدخلوا المدونة عارفين انك شاعر وقال ايه رومانسى يلا مش عايزين ننكد على الناس

***


إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبى
وده بقا بيدعوا الناس بعدم الاحباط والنظره للحياه بتفائل وامل ان شاء الله وكل الى بيدخلوا المدونة متعودين منك على حاجات رومانسيه ولذيذه وحساسه اوك

***


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبى
ودى بقا نصيحه جميله انت بتقولها ليا ولنفسك ولكل اصحابك والى بتحبهم وبيحبوك وكل الشباب علشان الحزن مفيش منه فايده

***
اهداء من ماما ريشه
ياريت تكونى سامحتينى
وترجعى من تانى تنورى لى المدونه
ولا يرضيكى امتحن واحنا زعلانين من بعض
؟؟؟؟!!!!


من انا blogged at 6:00 م

May your light shine...
in the darkness...

الأحد، مايو 06، 2007



كيف تعرف انك تحب شخص حب حقيقي ؟؟؟



حتماً مصاب بمرض الحب اذا كانت هذه الجمل
تنطبق عليك ؟؟؟

فانت عندما تشعر بإحساس غريب وعميق ودافئ
عندما يزداد خفقان قلبك لرؤية أو تذكر إنسان ما..
عندما تشعر باضطرابات داخليه واحساس ممتع غير
موصوف ..

عندما لا تشعر بالوقت .. عندما تستمتع بأحلام اليقظة ..
عندما تفكر بذلك الإنسان قبل التفكير بذاتك..
عندما تنظر إليه نظرة طاهرة بعيده عن أي غرائز
دونيه أو نزوات شهوانية ..


عندما تشعر انك أخف وزنا من الهواء واكثر عمقا
من المحيط وأقوى من الجبال وانقى من البياض ..
عندما تشعر ان ذاتك العاطفيه مشبعه تماما ..
عندما تنظر الى أي جنس وترى انهم كلهم سواسية
سوى من تحب ..



حينما تبكي عند الفراق وتعيش من على امل لقاء
ثاني ..
حين ترى او تسمع اوتشم أي شىء جميل ويقفز الى
ذهنك من تحب ..
حينما تبكي .. .وتبكي… وتبكي وحيدا وبعيدا
عند فقده وتبقى طول عمرك على ذكراه فلا
تستطيع ان تكرهه او تبعده او تنساه ..
حين تعيش حياة الآخرين وانت سجين عالمك من
الحزن والبكاء والشقاء ..
عندما تتوارى .. وتتوارى حزينا صغيرا كسيرا ..
فاعرف انك قد أحببت بصدق فهل شعرت يوما

بذلك؟؟؟؟


من انا blogged at 7:01 ص

May your light shine...
in the darkness...

الأحد، أبريل 29، 2007



I SWEAR



I SWEAR
I See the questions in your eyes
I Know what's weighing on your mind
you can be sure I know my heart
and I'll stand beside you through the years
you'll only cry those happy tears
and though I will make mistakes
I'll never break your heart
and I swear by the moon & the stars in the sky
I'll be there
I swear like Shadow that's by your side
I'll be there
for better or worse
fill death do us part
I'll love you with every beat of my heart
and I swear
I'll give you every thing I can
I'll build your dreams with these two hands
We'll have some memories on the walls
and when you'll have silver in your hair
you won't have to ask if i still care
Caz as the time turns the page , my love
won't age at all
and I swear by the moon and the stars in the sky
I swear and I swear like the shadow
that's by your side
I'll be there
for better or worse , till death do us part
I'll love you with every beat of my heart
and I swear , I swear
I swear by the moon


من انا blogged at 1:29 ص

May your light shine...
in the darkness...

الاثنين، أبريل 23، 2007



خبر عاجل


نجحت
والله العظيم نجحت
واخيرا وبعد طول تاخيرا ظهرت النتيجه فى تمام الساعه الحادية عشر ليلاَ عندما اتصلت بنا مى على تليفون شريف لكى تبلغنا بان النتيجه يتم تعليقها فى الكليه وطبعا كان لوقع هذا الخبر علينا كالصاعقه انتفضنا مفزوعين واخذنا نجرى فى الشارع زى ما تكون مصر كلها بتجرى ورانا لحد اما لاقينا تاكسى اترمينا قدامه وروحنا الكليه ومش نلاقى غير خمسه سته بس قدام الكليه قعدنا طبعا ندعى على مى واليوم اللى عرفناها فيه المهم شويه اتاكدنا انه فعلا نتيجتنا بتتعلق جوا بس لسه مش فتحوا البوابه لحد لحظات دقايق ساعات ايام شهور معرفش قد ايه بالضبط من الوقت اللى عدا لحد اما اخيراااااااا فتحوا البوابه وطلعنا نجرى زى المجانين على النتيجه انا مش كنت شايف حاجه قدامى غير اللمبات النيون اللى قايده فى الكليه ثوانى وكنت قدام مصيرى ببص بذعر ولهفه وخوف وامل ومشاعر تانيه مش فاكرها احمد...احمد....احمد.... المفروض انى فى اول الكشف انا فين
واخيرااااااااااااااا لقتنى وبصيت على نتيجتى كلها لقيتها بييييييييييييييييييييييييييضه مفيهاش ولا دايره دى كانت اهم حاجه عندى ساعتها بس صرخت باعلى صوت عندى ونطيت وعمل فرح وكنت اول واحد يصرخ بانه نجح فى كلية الاداب جامعة المنيا يااااااااااااااااااااااااااه نجحت يا شريف نجحت يا محمد نجحت يا ابو شمس ( دول صحابى اللى كل واحد راح فيهم على قسمه ) محمد معايا فى نفس القسم الحمد لله نجح واخدنا بعض بالاحضان وطرنا من الفرح فرحه ملهاش حد دورنا على شريف لقيناه زعلان ومتضايق وكده يعنى اخدناه فى حضننا وسالناه الحمد لله ميه ميه بس كل الموضوع ان عندهم ماده صعبه على الدفعه كلها عندهم اصله فى انجليزى بقى وانتم عارفين انجليزى المهم انه عدى بيها رفع الحمد لله واخدناه وطرنا من الفرح اما ابوشمس فلسه فى سنه اولى مظهرتش فرح لفرحناوطرنا مع بعض بالفرح وزمايلنا بعد كده بدام يجوا بعد اما اتصلنا بيهم والحمد لله كله نجح وبتقديرات جامده اوى حتى انا مكنتش متصور انى هنجح من اساسه بس الحمد لله ربنا كرمنى المهم قعدنا نغنى ونرقص ونزرغد ونهيص وكل حاجه عملاناها من الاخر كانت ليله جامده اوى كان نفسى كلكم فى الوقت ده تبقوا معانا وتحسوا بفرحنا
عارفين مين اول حد اتصلت بيه؟؟
اكيد طبعا اميرتى وحبيبت قلبى اول انسان ابلغه بالنتيجه وعلى فكره انا عملت فضيحه فى ميدان الكليه لانى قعدت اصرخ فى الشارع كده واقول
بحبك بحبك بحبك بحبك بحبك
بحبك يا احلى واغلى واجمل والذ واطعم وارق بنوته يا ملاكى يا روحى وكل كيانى بحبك وهفضل لاخر عمرى احبك
لو تعرفى انا قد ايه مشتاقلك دلوقتى ومشتاق لصوتك اوى لو تعرفى قد ايه محتاجلك جنبى مع انك دايما معايا وحواليا فى كل مكان فى كل انسان فى كل حاجه جميله بشوفها فى كل ورده عطرها جذاب
انا عارف انك كمان مشتاقالى بس صدقينى البعاد مش هيطول ابدا وانه ان شاء الله ربنا هيجمع على كل خير وقريب اوى باذن الله
والف الف مبرووووووووووووووووووووووك لينا
وعقبال عندكم جميعاَ
احمدك واشكر فضلك يارب


من انا blogged at 2:14 ص

May your light shine...
in the darkness...

الجمعة، أبريل 13، 2007



بالأمس كنت أميره .. واليوم أصبحت لحبك أسيره



عجيبة هى الايام
تحملنا الى عالم بلا شطآن
يجرفنا مره تيار للداخل
ويقذفنا غيره للخارج
فيها يوم لنا
واليوم الآخر لغيرنا
فبالأمس كنت اميره
واليوم اصبحت بحبك اسيره
من انت يا من استطاع ان يشعل نار وجدانى
من انت يا من احس بمعنى كلامى
أأنت الامس أم اليوم أم الغد ؟
أم أنك كل ايامى
أحبك وامنحك نبض وجدانى
أحبك وابعث لك كل كلامى
فأنت ماضى وحاضرى ومستقبلى
وكل أحلامى ..
فما هى احلامى بدون وجودك يا سر كيانى
إنها أحلام بلا شطآن
كيف استطعت اسرى
فانا كنت الاميره ذات القلب الرخامى
كيف استطعت ان تحس كلامى
كيف استطعت الشعور بنبض وجدانى
أحبك وسأبيع من اجلك كل احلامى
كيف استطعت تخطى فرسانى والتغلب عليهم
كيف استطعت تخطى الحدود والوصول الى مكانى
فانا اميرة محصنة ضد الافتتان
أميرة ما استطاع شىء ان يحركنى من مكانى
كيف احبك وارض كل فرسانى
كيف احب واهبك الامانى
ما الفرق بينك وبين اى من فرسانى
كيف جعلت حبك يسرى فى كيانى
ويزلزل نبض وجدانى
يا حبا طغى على كيانى
أصبحت اساله منحى احلامى
بعدما كنت اهب الجميع الامانى
الان الحب عندى نهر بلا شطآن
شخص يملك كل الاوطان
واقع حقق كل الامانى
نبضا يسرى بين وجدانى
اميرا يملك عرش احلامى
كيف جعلتنى اسيرة
بعدما كنت اميره
يجرى خلفى كل الفرسان
كيف اقتحمت اغوار حصنى
ووصلت الى عنوانى
وجعلتنى احبك
فارسا يملك كل احلامى


من انا blogged at 12:21 ص

May your light shine...
in the darkness...

الثلاثاء، أبريل 10، 2007



هو الحب زى الكيميا


هو الحب حاجة زي الكيميا.. حاجة كدة بتحصل متعرفلهاش تفسير
الحب هو إنك تحب إنسان معين لذاته مش لأي حاجة تانية
هو إنك تشوف حبيبك أجمل واحد في الدنيا.. أحلى من كل البشر
الحب هو إنك تخاف عليه
الحب هو إن هو يخاف عليك أكتر ما بتخاف على نفسك
الحب هو إنه يوحشك و هو جنبك
هو إن حبيبك يبقى مالي عينيك
هو إنك تحافظ على كرامة اللي بتحبه وتحط صورته دايما أصاد عينيك

الحب هو إنك تبقى عايز تتغير و تكون أحسن عشانه هو.. لما تبقى ضحكة حبيبك و سعادته عندك أهم من أي حاجة تانية
الحب هو مكالمة تلفون تجيلك في عز مانت مشغول و متضايق و تنسيك تعب الدنيا
الحب هو حد بيقولك كل سنة وانت طيب ليلة عيد ميلادك
هو لما تحس انك قادر تواجه اي مشكلة مادام الشخص ده واقف جنبك
الحب لما تبقى عايز تشوف حبيبك احسن واحد في الدنيا

الحب لما حبيبك ياخد بايدك و يقربك من ربنا
الحب لما تحس بالامان وانك ماسك الدنيا كلها بايدك
الحب لما تدي للي بتحبه من غير ما يسال
الحب هو انك تغفر لحبيبك
هو انك تسامح
الحب لما تفهم حبيبك من نظرة عينيه.. الحب هو انك تقابل توأم روحك
الحب لما تحس بحبيبك من غير ما يتكلم حتى وهو بعيد عنك
الحب لما متعرفش مين بيحب التاني أكتر

الحب لما تحب واحد بيحبك


من انا blogged at 10:28 ص

May your light shine...
in the darkness...